Appel, Carl. Bernart von Ventadorn, seine Lieder, mit Einleitung und Glossar. Halle a. S.: Verlag von Max Niemeyer, 1915.

Codi: 070,028 Autor: Bernart de Ventadorn Gènere: Canso Número: XXVIII

 

Lo gens tems de pascor | Lo doutz tems de pascor

		Fassung von CGIKNOa¹:	Fassung der Hdss. ABDMRTa²: (Ortographie nach A)
I.	1	Lo gens tems de pascor	Lo doutz temps de pascor
		ab la frescha verdor	ab sa doussa verdor
		nos adui folh’ e flor	nos adui fuoilla e flor
		de diversa color,	de diversa color,
	5	per que tuih amador	per que tuich l’amador
		son gai e chantador	son gai e chantador
		mas eu, que planh e plor,	mas ieu, que plaing e plor,
		cui jois non a sabor. (1)	c’us jois no m’a sabor.
II.		A totz me clam, senhor	A totz mi clam, seignor
	10	de midons e d’Amor,	de midonz e d’amor.
		c’aicist dui träidor,	aquist dui trahidor,
		car me fiav’en lor,	car mi fiava en lor,
		me fan viur’ a dolor	mi fant viure ab dolor
		per ben e per onor	per ben e per honor
	15	c’ai faih a la gensor,	c’ai faich a la genssor,
		que no·m val ni·m acor.	que no·m val ni·m socor.
III.		Pen’ e dolor e dan	Las ! e viure qe·m val ?
		n’ai agut, e n’ai gran,	car no vei a jornal
		mas sofert o ai tan. –	mon fin joi natural
	20	no m’o tenh ad afan ;	en lieich, sotz fenestral
		c’anc no vitz nulh aman,	blanc e fresc atretal
		melhs ames ses enjan,	cum par neus a nadal,
		qu’eu no·m vau ges chamjan	si c’amdui per egal
		si com las domnas fan.	mesurem per cabal.
IV.	25	Pois fom amdui efan,	No vim drut tant leial
		l’am ades e la blan ;	que pieitz o aia sal,
		e·s vai mos jois (2) doblan	q’ieu·l port amor coral,
		a chasen jorn del an.	ela·m ditz „no m’en cal“.
		e si no·m fai enan	enanz dic que per al
	30	amor e bel semblan,	no m’ira mortal ;
		cant er velha, ·m deman	e si per so·m fai mal,
		que l’aya bo talan. (3)	pechat fai criminal.
V.		Las ! e viure que·m val	Pois fom amdui enfan,
		s’eu no vei a jornal	l’ai amada e la blan ;
	35	mo fi joi natural	e vai m’amors doblan
		en leih, sotz fenestral	a chascun jorn de l’an.
		cors blanc tot atretal	e si no·is trai enan
		com la neus a nadal,	amors e beil semblan,
		si c’amdui cominal	pos er voill e deman
	40	mezuressem egal ?!	que m’aia bon talan.
VI.		Anc no vitz drut leyal,	Pena e dolor e dan
		sordeis o aya sal,	n’ai agut e n’ai gran ;
		qu’eu l’am d’amor coral,	mas sofert o ai tan,
		ela·m ditz : „no m’en chal“ ;	no m’o teing ad affan ;
	45	enans ditz que per al	c’anc hom non vi aman,
		no m’a ira mortal ;	mieills ames ses engan,
		e si d’aisso·m vol mal,	qu’ieu no·m vau cambian
		pechat n’a criminal.	si cum las dompnas fan.
VII.		Be for’ oimais sazos,	Ben fora oimais sazos,
	50	bela domna e pros,	bella domna e pros,
		que·m fos datz a rescos	qe·m fos datz guizerdos
		en baizan guizardos,	d’un jazer a rescos,
		si ja per als no fos,	car non sui enoios
		mas car sui enveyos,	(e ja per als no·us fos)
	55	c’us bes val d’autres dos,	c’us bes val d’autres dos,
		can per fors’ es faihz dos.	quan per forsa es datz dos.
VIII.		Can vei vostras faissos	Qan vei vostras faissos
		e·ls bels olhs amoros,	e·l gen cors amoros,
		be·m meravilh de vos	be·m meravill de vos
	60	com etz de mal respos.	cum etz de brau respos,
		e sembla·m trassios,	car ben es tracios,
		can om par francs e bos	qand hom par francs e bos
		e pois es orgolhos	e pois es orgoillos
		lai on es poderos.	lai on es poderos.
IX.	65	Bel Vezer, si no fos	Bels Vezers, si non fos
		mos Denan-totz e vos, (4)	mos enans totz en vos,
		laissat agra chansos	en laissera chanssos
		per mal dels enoyos.	per mal dels enoios.

 

 

Fußnoten:

 

1) lies: c’us jois no m’a sabor. (↑)

 

2) lies: m’amors. (↑)

 

3) lies: cant er velha, deman / que m’aya bo talan. (↑)

 

4) lies: mos enans totz en vos. (↑)