Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari
* Observacions

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Jeanroy, Alfred; Salverda de Grave, Jean-Jacques. Poésies de Uc de Saint-Circ. Toulouse: Imprimerie et Librairie Édouard Privat, 1913.

Codi: 457,026 Autor: Uc de Sant Circ Gènere: Canso Número: VII

 

Nuills hom no sap d'amic, tro l'a perdut

I
1
Nuills hom no sap d’amic, tro l’a perdut,
   
So que l’amics li valia denan ;
   
Mas quan lo pert, e pois es a son dan
    E·il nolz aitan cum l’avia valgut,
 
5
Adoncs conois que l’amics li valia ;
   
Per q’ieu volgra ma dompna conogues
   
So q’ieu li vaill, ans que perdut m’agues,
    E ja pueissas al sieu tort no·m perdria.
     
II
 
Ben sai que s’ieu l’agues aitan nogut
 
10
Cum l’ai valgut e son pretz traich enan,
   
Ben agra dreich qe·m volgues mal plus gran
   
C’a nuilla re ; per qu’ieu ai conogut
   
De ma dompna que mais mi nozeria
   
Ab leis lo mals no m’en valria·l bes ;
 
15
Per qe·m fora fort bon, si ieu pogues,
    Que m’en partis, mas per Deu non porria.
     
III
 
Que s’amors m’a si doussamen vencut
   
Que ieu non posc ni n’aus aver talan
    Que ja de lieis que m’auci desiran
 
20
Parta mon cor ni l’en vir ni l’en mut,
   
Anz s’i enpren e s’i ferma qec dia ;
   
Per qe feira chausimen, si·l plagues,
   
Mas tant sui sieus, si per sieu mi tengues,
    Puois fezes en cum del sieu a sa guia.
     
IV
25
Amors, tant ai vostre voler volgut
   
E tant ai faich lonc temps vostre coman
   
C’anc no·m trobetz en re vas vos tiran ;
   
De tant ric ben cum m’avetz covengut
   
Dessetz m’en un anz que del tot mortz sia,
 
30
Q’en tot lo mon non es tant petitz bes,
   
Amors, que, sol de ma dompna·m vengues,
    Que no·m des joi e no·m tolgues feunia.
     
V
 
S’ella no·m val, ja autra no m’ajut,
   
Ni m’acoilla ni·m fassa bel semblan,
 
35
Car, s’il no·m vol, autra joi non deman,
   
Ni si·m volia Amors faire son drut ;
    De nuill’ autra ges ieu non o penria,
   
E, si·n lieis faill, dic que amors non es
   
Ni chausimens ni hontatz ni merces
 
40
Ni franquesa el mon ni cortesia.
     
VI
 
En Savaric, ges m’amor non partria
   
De mon Amic per ren c’om m’en disses
   
Entro que ieu de ver proat agues
    Si es vertatz aisso c’om m’en diria.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI