Pasero, Nicolò. Guiglielmo IX. Poesie. Modena: S.T.E.M.-Mucchi, 1973

[CdT en procés d'incorporació]

Code: 183,004 Autor: Guilhem de Peitieu Gattung: Vers Ausgabe: [II]

 Compaigno non puosc mudar qu'eo no m'effrei

I	1	[C]ompaigno, non puosc mudar qu’eo no m’effrei
		de novellas qu’ai auzidas et que vei:
		qu’una domna s’es clamada de sos gardadors a mei.
II		[E] diz que non volo prendre dreit ni lei,
	5	ans la teno esserrada quada trei:
		tant l’us no·ill larga l’estaca que l'altre plus no la·ill plei.
II		[E]t aquill fan entre lor aital agrei:
		l’us es compains gens a for manda·carrei, e meno trop maior nauza que le mainada del rei.
III	10	[E]t eu dic vos, gardador, e vos castei
		(e sera ben gran foli’ a qui no·m crei):
		greu verretz neguna garda que ad oras non sonei.
IV		[Q]u'eu anc non vi nulla domn’ ab tan gran fei,
		qui non vol prendre son plait o sa mercei,
	15	s’om la loigna de proessa que ab malvestatz non plaidei.
V		[E] si·l tenez a cartat lo bon conrei,
		adoba·s d’aquel que troba viron sei:
		si non pot aver caval, [ela] compra palafrei.
VI		[N]on i a negu de vos ia·m desautrei,
	20	S’om li vedava vi fort per malavei,
		non begues enanz de l’aiga que’s laisses morir de sei.
VII		[C]hascus beuri’ ans de l’aiga que’s laises morir dessei!