Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique

* Présentation
* Bibliographie
* Témoignage
* Appareil critique
* Notes
* Traductions
* Images

Naudieth, Fritz. Der Trobador Guillem Magret. Halle a. S.: Verlag von Max Niemeyer, 1914.

Code: 223,001 Auteur: Guilhem Magret Genre: Sirventes Numero: VI

Aigua pueia contramon

I
1
     Aigua pueia contramon
   
     ab fum, ab neblas, ab ven,
   
     et on plus aut es, deissen ;
   
     e sapchon tut cil que son
 
5
     c’atressi pueia valors
   
     ab bels faz et ab lauzors,
   
     e cant es aut, dessendria,
   
     si·l bes no la sostenia.
   
E degram esser enveios
 
10
dels marques e dels autres pros
    e dels onratz rics ratz q’il fan.
     
II
 
     Ia no volria agues son
   
     rics hom ni d’als pensamen
   
     mas de bel acuillimen ;
 
15
     e volgra totz cels que son
   
     avol e dels sordeiors,
   
     desonratz entrels maiors
   
     de pretz e de cortezia.
         Ar auiatz : per so volria
 
20
q’ieu soi mout d’anar volontos
   
e soi las anz qu’en trobes dos
    de cels q’amon pretz ses enian.
     
III
 
     Bar qui per maniar s’escon,
   
     reingna trop vilanamen
 
25
     e dompna pietz per un cen
   
     si ia pueis li presta·l con ;
   
     que de maniar nais hamors,
   
     dos e bes, fatz et honors,
   
     e·n intra hom en paria
 
30
     ab tal don ia non l’auria.
   
Sobre que tot es saboros
   
genz maniars e cortes respos,
    e qui plus non pot, fassa aitan !
     
IV
 
     En Espaigna a un pon
 
35
     per on hom passa soven,
   
     fag per tal encantamen
   
     que si·l parlatz, gen respon ;
   
     cinc pilars i a, seignors,
   
     e ben a mit cavalhs cors,
 
40
     tan es belhs de plana via ;
   
     en l’ausor pilar que·i sia
   
esta lo valenz reis n’Anfos,
   
rics de cor e tan poderos
    que del tot complis son talan.
     
V
45
     Et a Leon trobiei fon
   
     on sorzon var vestimen
   
     et aurs mesclatz ab argen,
         et en estiu, can neus fon,
   
     i nais temprada freidors
 
50
     et entorn nadal calors,
   
     e si vilans en bevia,
   
     cortes et adretz seria,
   
e·ill marrit e li consiros
   
e·ill tornon alegre ioios
 
55
e·ill paubre manent qui la van.
     
VI
 
     Cel qui en re non faillia,
   
reis d’Aragon, sai entre nos
   
vos laisset, que fossem ab vos,
    que nos restaurassez lo dan.
     
VII
60
E·l comenzamenz es tan bos
   
que si tals es la fenizos,
    anc Alixandris non valc tan.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI