Naudieth, Fritz. Der Trobador Guillem Magret. Halle a. S.: Verlag von Max Niemeyer, 1914.

Code: 231,003=223,005 Auteur: Guilhem Rainol d'At , Guilhem Magret Genre: Tenso Numero: VIII

Magret, puiat m'es el cap

I	1	,Magret, puiat m’es el cap
		so qu’ins el ventre no·m cap :
		Bos etz per lista e per drap ;
		mas qi be·us quer ni·us esterna,
	5	trobar vos pot, si no·us sap,
		pres del vaysselh ab l’enap ;
		qu’ades tendetz vostre trap
		lai on sentetz la taverna.‘
II		„Guillems Rainols, a mescap
	10	metrai mos motz ; que ar rap
		de tal luec ― e trop no·m gap ―
		on non vuelh lum ni lanterna ;
		e s’ieu a vilans escap,
		si que negus no m’atrap,
	15	doncx tenc lo parlar per gap.
		En talant ai que·us esquerna.“
III		,A penas hi truep que·y lim :
		merce d’en Bernat Razim,
		Magret, que·us ten sec e prim
	20	en estiu e quant yverna.
		E·us ai vist un tal noyrim,
		los varos qu’avetz el sim,
		que·us fan plus lag de Caym
		e·us reverson la luzerna.‘
IV	25	„Guillem, de la claustra·us vim
		issir enseint ab un vim ;
		e s’ieu de vos no m’escrim,
		non vuelh mais beur’ ab Maerna ;
		qu’anc pus nos enioglarim,
	30	vos ni yeu non sai auzim
		tan bos motz ni que mielhs rim
		cum ,Vos don l’arma s’enferna !’“
V		,Adug vos an a derroc,
		Magret, dat, putans e broc ―
	35	quascus i fes so que poc ―
		e·l foudatz que vos governa !
		Ioglar vielh, nesci, badoc,
		si mais voletz qu’om vos loc,
		chantatz cum l’autre mairoc
	40	de Mainier o d’Audierna !‘
VI		„Per nos laissetz vostre floc,
		et avetz el suc maynt loc,
		Guillem, don a meyns maynt floc,
		cara de boc de biterna !
	45	E no·us cugetz que·us hi toc,
		qu’anc iorn pipidos no·m moc,
		que no·y ac pel, pus no·y ploc.
		E tenetz dreg vays Salerna.“
VII		,Magret, ben saup selh que·us moc
	50	del senrier detras lo foc,
		qal val mais odors de broc
		contra sabor de sisterna.‘
VIII		„Per so no·us cuietz que·us toc,
		en rossinier, nas de croc ;
	56	mas tornatz en vostre loc
		on portavatz la lanterna !“