Boutière, Jean. Les poésies du troubadour Peire Bremon Ricas Novas. Toulouse - Paris: Édouard Privat - Henri Didier, 1930.

Code: 330,003a Auteur: Peire Bremon Ricas Novas Genre: Deux coblas avec tornada Numero: XV

Be·m meraveil d'En Sordel e de vos

I	1	Be·m meraveil d’En Sordel e de vos,
		seigner Bertran, car anc sosfritz mon dan
		qe·l coms mi fes, anc no fezetz semblan,
		s’eu pris onta ni dan, qe mal vos fos ;
	5	e degraz l’engardar de fallimen,
		[e] mi de dan, qe·us servi lialmen ;
		de mi n’avetz e del conte mal grat,
		car non.............................................
II		Ja mais le cons no·s deu fizar en vos,
	10	a vos o dic, [En] Sordel e’[N] Bertran,
		ni ieu, qe·s ai servit ses tot enjan,
		car anc del mieu dan no fotz rancuros ;
		e qi seignor vol servir lialmen
		deu lo, can fail, blasmar adreizamen :
	15	mas ben pot far le cons sens o foudat,
		qe tot li er per vos autres lausat.
III		Per mon seignor Baral, c’a prez valen,
		tenc mi megeus [e] mon cor e mon sen,
		q’el m’a estort e az el en sai grat,
	20	e ... ais pren de vos dos comjat.