Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Boutière, Jean. Les poésies du troubadour Peire Bremon Ricas Novas. Toulouse - Paris: Édouard Privat - Henri Didier, 1930.

Code: 330,009 Auteur: Peire Bremon Ricas Novas Genre: Sirventes (de réponse) Numero: XVI

Lo bels terminis m'agenssa

I
1
Lo bels terminis m’agenssa
   
          et ai joi qec dia,
   
car ades ai sovinenssa
   
          — on qez eu m’estia —
 
5
de mos amics de Proenssa ;
   
          pero si·ls vezia,
   
car ab lor ai conoissenssa,
   
          plus m’alegraria ;
   
     e s’ieu lor dic lauzor,
 
10
     dreitz es, q’ill ant valor
   
e de pretz onrat la flor
              e de cortesia.
     
II
 
Us qe·m porta malvolenssa
   
          fugic Lombardia
 
15
per desleial captenenssa.
   
          Qui·l conoisseria,
   
joglars es, a ma parvensa,
   
          fals ab lecharia,
   
e viu sai, per ma crezensa,
 
20
          per sa joglaria.
   
     Conoissetz lo, seignor ?
   
          que de mi fai clamor
   
  et anc no·ill fi desonor,
              mas ben la·ill diria.
     
III
25
Joglars garnitz ai temenssa
   
          que mala res sia
   
et ab pauc de retenenssa
   
          pois qe is enrabia.
   
C’un sai n’a de part Plazenssa
 
30
          que, si·m conseguia,
   
per aitan cum val Argenssa
   
          viu no·m laissaria.
   
     E car m’en don paor,
   
     fatz prec al Creator
 
35
  que me fassa tant d’onor
              qe·m gart de sa via.
     
IV
 
Joglars vai per penedenssa
   
          ades tota via
   
garnitz de desconoissenssa,
 
40
          pois fetz la bausia.
   
Iniquitatz par que·l venssa ;
   
          e qui la·il trazia,
   
eu me don gran pessamenssa
   
     cum puois parlaria.
 
45
     E s’ieu·l dic desonor,
   
     reprenden sa follor,
   
  ges non o dic per s’amor,
              c’aitant m’i perdria.
     
V
 
Car non a reconoissenssa
 
50
          de sa vilania,
   
dic que per sa recrezenssa
   
          jazer non poiria
   
ab sa moiller c’ades genssa;
   
          pero si·l muria,
 
55
a totz o dic a presenssa
   
     qu’il no·l ploraria,
   
     anz cre ben qu’il ador
   
     e prec nostre Seignor
   
  que don al joglar dolor
 
60
          tal que tost l’aucia.
     
VI
 
     Lai man al trobador
   
     d’aver, non ges d’onor,
   
  que ren non val ad amor
              hom que joglars sia.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI