Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire

* Présentation
* Bibliographie
* Témoignage
* Appareil critique
* Notes
* Images

Stroński, Stanislas. Le troubadour Elias de Barjols. Toulouse: Imprimerie et librairie Édouard Privat, 1906.

Code: 132,013 Auteur: Elias de Barjols Genre: Descort Numero: III

Una valenta

I
1
          Una valenta,
   
car sol’ es avinenta
   
e de plazers plazenta,
   
vol qu’eu fass’ un descort gai.
 
5
          Bell’es e genta,
   
mas no·l platz que·m consenta
   
s’amor, ni l’atalenta,
    don il peccat e tort fai.
     
II
 
          Qu’eu l’am ses bausia,
 
10
ab lial cor fin e verai
   
          e ses tricharia ;
   
qu’eu de lleis no·m loing ni·m estrai,
   
          [sieo son on qu’eo sia,
   
que s’amor non fui ni desfai]
 
15
          c’aissi fos il mia
    com eu l’am totz iornz mielz e mai.
     
III
 
               Mas per doptansa
   
          no l’aus far semblansa
   
          con l’am finamen ;
 
20
              tant tem s’onransa,
   
          qe·ill torn a pesansa
   
          s’ie·l dic mon talen.
   
               Greu malanansa
   
          trop long’ esperansa,
 
25
          s’on ioi non aten !
   
               En tal balansa
   
          ai per sobramansa
              estat longamen.
     
IV
 
          Pero s’ieu un dia
 
30
          so c’amics d’amia
   
               n’agues,
   
          c’a midons plagues,
   
          ia tan no volria
   
          nuilla manentia
 
35
               [·m] vengues ;
   
          si non s’umelia
   
          mal vi sa paria
   
               e sos bes,
   
          si no·m val merces
 
40
          e sa cortezia,
   
          pos no·m val l’amia
                   ni res.
     
V
 
          D’En Agout volria
   
          tant de manentia
 
45
               ·l vengues
   
          que donar pogues
   
          tot so que·l plairia,
   
          car sai que seria
                   ben mes.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI