Salverda de Grave, Jean-Jacques. Le troubadour Bertran d'Alamanon. Toulouse: Imprimerie et librarie Édouard Privat, 1902.

Code: 076,021 Auteur: Bertran d'Alamanon Genre: Canso Numero: XIX

Una chanzon dimeia ai talan

I	1	Una chanzon dimeia ai talan
		Q’ieu la fassa ab gai sonet cortes,
		E ges d’aitant no mi for’ entremes,
		Mas forza m’en amors e m’o enanza
	5	Per la bella q’es tant pros e valens ;
		Q’eu non l’aus dir com m’auci ab turmenz ;
		Per q·il dirai chantan ma malananza.
II		Lo primer jorn q’ieu vi son cors prezan,
		Anz qe·m partis denantz leis, m’ac conques
	10	Sa granz beutatz e si lazat e pres
		C’anc pois non saup que si fos benananza ;
		Tant sui destreitz d’angoissos pensamenz
		Car nom mi val merces ni chauzimenz,
		E ja totz jornz dobla ma deziranza.
III	15	Mas can remir son bel cors ben istan,
		No·m meravill s’en grant error m’a mes,
		Car sa beutatz es.........
		E sos fiz pretz e sa gai’ acoindanza ;
		Al sieu lauzar non sui eu pro sabenz ;
	20	Mas aitail es c’obs no·i ha mais ni menz,
		C’on nom pot meils fazonar per semblanza.
IV		Al sieu ric pretz no sui eu pro valentz,
		Mas s’om valgues per amar coralmenz,
		Ben istera egal en la balanza.
V	25	Del comte sai mo segnor veramenz
		Que chi fara, e·l chantz no·n valra meintz,
		E per mo mal o chantara en danza.