Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Johnston, Ronald C. Les poésies lyriques du troubadour Arnaut de Mareuil. Paris: Droz, 1935.

Code: 030,008 Auteur: Arnaut de Maruelh Genre: Canso Numero: XV

Anc vas Amor no·m poc res contradire

I
1
Anc vas Amor no·m poc res contradire,
   
pois ben i volc son poder demostrar ;
   
per qu'ieu non puosc sa guerra sols atendre,
   
a sa merce mi rend totz domengiers ;
 
5
e ja vas lieis mos cors non er leugiers,
   
c'anc nuills amans, pois lo primier conquis,
    ni aquel eis, non fo de cor plus fis.
     
II
 
D'amor no·m feing, ni sui de plus jauzire,
   
mas sol d'aitan c'ab ferm cor et ab clar
 
10
a lei d'aman mi fai en tal entendre,
   
don es sos pretz sobr' autras tant entiers ;
   
ja conquisa non er per mi estiers,
   
si fin' Amors, que·i a mon cor assis,
    lo sieu ric cor per forssa non languis.
     
III
15
Si Dieus volgues sa gran beutat devire,
   
granren pogra d'autras dompnas honrar ;
   
tant cum mars clau ni terra·is pot estendre,
   
es lo sieus pretz de totz caps e primiers
   
et agra·m ops lo jorn vilans portiers,
 
20
can vinc vas lieis, o que tant prim no·m vis,
    que mos sabers ai paor que m'aucis.
     
IV
 
Bona dompna, li plazer e·il doutz rire
   
e·il avinen respos que·m sabetz far
   
m'ant si conquis c'ad autra no·m puosc rendre ;
 
25
partira m'en, si pogues, voluntiers,
   
que·l vostre pretz tem que m’es sobranciers ;
   
mas en aisso·m conort e m'afortis,
    que paratges es vas Amor aclis.
     
V
 
Al ferm voler don vos am e·us desire,
 
30
dompna, ·m jutgatz, e si mesura·us par
   
que·us en deignes merces al cor dessendre,
   
no m'o toilla paors de lausengiers,
   
que ja negus no m'er tant plaizentiers
   
ab prim saber, ni lunhdans ni vezis,
 
35
que ja sia de mon afar devis.
     
VI
 
Aitan si pert qui·m cuja plazers dire
   
ni lausengas per mon cor devinar ;
   
c'atressi ben o mieills m'en sai defendre,
   
qu'ieu sai mentir e remaing vertadiers ;
 
40
tal ver hi a qu'es fals e messongiers,
   
e qui ditz so per c'Amors avilis,
    vas sidonz ment e si mezeis trahis.
     
VII
 
Chansoneta, cel cui es Monpesliers,
   
qu'es gais e pros, volgra ben que t'auzis ;
 
45
mas enans vai lai a mon Gen Conquis.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI