Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire

* Présentation
* Bibliographie
* Témoignage
* Appareil critique
* Notes
* Traductions
* Images

Johnston, Ronald C. Les poésies lyriques du troubadour Arnaut de Mareuil. Paris: Droz, 1935.

Code: 213,006 Auteur: Arnaut de Maruelh Genre: Canso Numero: App. IV

Lo jorn que·us vi, dompna, primieramen

I
1
Lo jorn que·us vi, dompna, primieramen,
   
cant a vos plac que·us mi laissest vezer,
   
parti mon cor tot d'altre pensamen,
   
e foron ferm en vos tuit miei voler,
 
5
c'aissi·m pauzest, dompna, el cor l'enveia
   
ab un dous ris et ab un simpl' esgar,
    mi e cant es mi fezest oblidar.
     
II
 
Que·l granz beutatz e·l solatz d'avinen
   
e·l cortes dig e l'amoros plazer
 
10
que·m saubest far, m'embleron si mon sen
   
c'anc pueis hora, dompna, no·l puec aver ;
   
a vos l’autrei, cui mos fis cors merceia,
   
per enantir vostre pretz et onrar,
    a vos mi ren, c'om miels non pot amar.
     
III
15
E car vos am, dompna, tan finamen,
   
que d'autr' amar no·m don Amors poder,
   
mas aize·m da, c'ab autras cortei gen,
   
don cug de mi la greu dolor mover,
   
pueis can cossir de vos, cui jois sopleia,
 
20
tot' autr' amor oblit e desampar,
    ab vos romaing, cui tenc al cor plus car.
     
IV
 
E membre vos, si·us plaz, del bon coven
   
que mi fezest al departir saber,
   
don aic mon cor adonc guai e jauzen,
 
25
pel bon respeig en que·m mandest tener ;
   
mout n'aic gran joi, s'era lo mals s'engreia,
   
et aurai lo, can vos plaira, encar,
    bona dompna, qu'eu soi en l'esperar.
     
V
 
E ges mals trags no m'en fai espaven,
 
30
sol qu'eu en cuit e ma vida aver
   
de vos, dompna, calacom jauzimen ;
   
anz li maltrag mi son joi e plazer
   
sol per aisso car sai c'Amors autreia
   
que fis amanz deu grans torz perdonar
 
35
e gen soffrir maltraz per gazaing far.
     
VI
 
Aissi er ja, dompna, l'ora qu'eu veia
   
que per merce mi voillaz tant onrar
    que sol amic me deignes apellar.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI