Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Notice Bibliographique
* Vocabulaire
* Observations

* Présentation
* Témoignage
* Appareil critique
* Notes
* Traductions
* Images

Aston, S. C.. Peirol. Troubadour of Auvergne. Cambridge: University Press, 1953

Code: 366,003 Auteur: Peirol Genre: Canso Numero: II

Ben dei chantar puois amors m’o enseigna

I 1
Ben dei chantar puois amors m’o enseigna
    e·m don’ engeing cum puosca bos motz faire;
   
que s’il no fos, eu non fora chantaire
    ni conogutz per tanta bona gen.
  5 Mas ara ve e sai certanamen
    que totz los bes que m’a faitz me vol vendre.
     
II  
S’ieu no sui drutz, res no me pot defendre
    qu’ a tot lo meins non sia fis amaire,
    francs e sufrens, humils e mercejaire,
  10 ses trop parlar e de bon celamen.
    En aital guiz’ e per aital coven
    m’autrei a lieis que retener no·m deigna.
     
III  
A for d’amic aten que jois m’en veigna.
    Dir’ o puesc ieu, mais mi non es vejaire!
  15 Car ill es tan ric’ e de gran afaire,
    coind’ e prezans en faitz ez en parven,
    per qu’ieu sai ben, s’amors razon enten,
    que ges tant bas vas mi non deu dissendre.
     
IV  
Que farai doncs? sofrirai mi d’atendre ?
  20 Non ieu! Mais am tot en perdon mal traire!
    Qu’ieu no vuoill reis esser ni emperaire
    que non agues en lieis mon pessamen.
    Non sui pro ricx sol qu’ieu l’am finamen?
    Grans honors m’es que s’amors me destreigna.
     
V 25
Bona domna, calque fals’ entresseigna
    me faitz sivals, don m’alegr’ e m’esclaire,
    puois connoissetz que no m’en puosc estraire!
    Ab bel semblan baissatz lo mal qu’ieu sen
    qu’aissi·m podetz trahinar longamen,
  30 e de mon cor, qu’avetz tot, un pauc rendre.
     
VI  
Bona domna, be o devetz entendre
    qu’ieu vos am tan no·us aus preiar de gaire;
    mas vos etz tan francha e de bon aire,
    per que n’auretz merce, mon escien.
  35 Lo mieu bon cor gardatz e·l fin talen,
    ja de vostra riqueza no·us sovenha.
     
VII  
Lo vers a faich Peirols, e no i enten
    mot mal adreich ni ren que desconveigna.
     
VIII  
Vai, messatgiers, lai a Mercuer lo·m ren,
  40 a la comtess’ en cui jois e pretz reigna.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI