Radaelli, Anna. Il "planh" di Raimon Menudet. "Rendiconti dell’Istituto Lombardo, Classe di Lettere e Scienze Morali e Storiche", 128, 2 (1994), pp. 489-514.

Code: 405,001 Auteur: Raimon Menudet Genre: Planh Numero: -

Ab grans dolors et ab grans marrimens

I		(Ab) grans dolors et ab (g)rans marrimens
		(co)mens mon planh (p)er selh, cui Dieus (a)mpar!
		qu’ar tot lo (m)on s’en deuria plorar,
		per lo melhor qu’es mortz de lunhas gens,
	5	e·l plus prezat e tot lo mielhs aibit(z).
		Per que ieu cre que lo Sant Esperit(z)
		lo·ns aia trag d’aquesta prezen vida
		per metre lai en la sant’establida.
II		Qui farà mais los belhs aculhimens
	10	senher Daude, que vos solïatz far?
		Qu’anc Natura non formet vostre par
		per aver cap de totz belhs complimens,
		e de fin Pretz eratz sims e razitz
		e Paratges s’era en vos noiritz.
	15	Be·m meravelh qu’ar tot lo mons non crida
		quar aissi·ns es la sua mortz falhida.
III		Francx cavalliers, ples de bos ardimens,
		arditz de cor, savi per cosselh dar:
		de tot un an non poiri’hom comtar
	20	la tersa part dels belhs captenemens
		que fazïatz, ni dels plazentiers ditz.
		Maudicha Mortz! Mal nos as escarnitz,
		quar lo melhor as pres d’està partida
		en cui Valors s’era loncx temps noirida.
IV	25	Mas ieu prec Dieu, de bon cor leialmens,
		aisselh que fes cel e terra e mar,
		que·l meta lai en belh luec et en clar,
		en paradis, davan los ignocens,
		e pels angels sia gent aculhitz.
	30	E tal perdo, quon ac la peccairitz,
		prec que·l fassa la Trinitatz complida,
		que tot quant es el mon capdell’e guida.
V		Ai Bossaguas e totz sos mandamens!
		La nueg e·l jorn deuriatz sospirar,
	35	quar Dieus vos a volgut desheretar
		de selh qu’era
		..............ian totz selhs......(ida)
	42	....................................levida.