Radaelli, Anna. Pastorella danzante (BdT 244,8). "«Ab nou cor et ab nou talen» Nouvelles tendances de la recherche médiévale occitane", ed. d'A. Ferrari i S. Romualdi. Modena: Mucchi Editore, 2004, pp. 263-286.

Code: 244,008 Auteur: Guiraut d'Espanha Genre: Pastorela avec la forme d'une dansa Numero: -

Per amor soi gai e no·m n'estrairai

	1	Per amor soi gai             e no·m n’es trairai
	2	aitan quan viurai            Na Cors Covinen.
I	3	Eu·m levei un bon mati
	4	enans de l’albeta,
	5	intrei m’en en un vergier
	6	per cuillir violeta,
	7	auzi un chan bel             de luenh <e> trobei
	8	gaia pastorela                sos anhels guaran.
II	9	«Na Pastorela, Die·us sal,
	10	color de rozeta!
	11	Fort me meravill de vos
	12	com estaitz soleta.
	13	Bliaut vos farai,               si penre·l vos plai
	14	menudet cordat              ab filetz d’argen».
III	15	«Per fol vos ai, cavalier,
	16	<e> plen d’auradura,
	17	quar <m’ amor> mi demandas,
	18	so don non ai cura.
	19	Pair’ e maire ai,              e marit aurai,
	20	e, si a Dieu plai,             far m’aun onramen».
IV	21	«Adieu, adieu cavalier!
	22	Que mon paire·m crida,
	23	qu’ieu lo vei la jus arar
	24	ab bueus sel’artigua.
	25	Que semenam blatz,    cuillirem n’asatz,
	26	e si acaptatz,                  dar vos em fromen».
V	27	E quant el l’en vit anar,
	28	mes se apres ela,
	29	pres la per la blanqua man,
	30	gieta l’en l’erbeta:
	31	tres vetz la baizet,           anc mot no·n sonet,
	32	quan venc la quarteta:   «Senher vos mi ren!».