Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Code: 167,016 Auteur: Gaucelm Faidit Genre: Canso Numero: 2

Com que mos chans sia bos

I	1	Com que mos chans sia bos,
		o qui que-l chan ni l’aprenha
		lieys de cui fatz mas chansos,
		no fai semblan que-m retenha ;
	5	quar si-l plagues ni-l fos dos,
		ja de l’amoros dezir
		no-m fera aissi murir ;
		quar per lieys m’auci d’enveya
		Amors, et er sieus lo dans
	10	s’ieu muer e reman mos chans.
II		Quar si vivia mil ans
		res qu’a lieys esser bon deya,
		no-m seria nuls afans ;
		quar, si m’auci, lieys guerreya,
	15	qu’a far en tot sos comans
		son faitz, e per lieys servir —
		e la no m’en vuelh gequir
		d’amar, per dan que m’en venha —
		enans sai que non er pros
	20	que hom fassa d’un dan dos.
III		Li siei belh huelh amoros,
		el sieu cors qu’amar no-m denha
		e sas avinens faissos,
		de lieys que fin joy mantenha !
	25	e m’es fals e cossiros,
		mas ieu no lo-y auzei dir
		e lai on plus la remir ;
		e nostr’ amor si desreya
		vas mi, e dobla mos chans
	30	e-l joys e l’enveya grans.
IV		Aissi-l suy, ses totz enjans,
		e non ai cor que-m recreya
		de lieys, ni-l serai camjans
		tan cum l’am ni-l cor m’esteya,
	35	totz temps son fin pretz prezans ;
		pus de lieys no-m puesc partir,
		ni d’amar ni de ben dir,
		per merce-l prec que-l sovenha,
		si-l plai, que ab lieys no-m fos
	40	l’esperansa dels Bretos !