Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Notes
* Traductions
* Images

Vatteroni, Sergio. Ancora sulle fonti provenzali della sestina di Dante (con una nuova edizione di "Ar es lo mont[ç] vermelltç e vertç" di Gaucelm Faidit, BdT 167,10. "Studi Mediolatini e Volgari", 37 (1991), pp. 169-177.

Code: 167,010 Auteur: Gaucelm Faidit Genre: Canso Numero: -

Ar es lo montç vermelltç e vertç

I
1
Ar es lo mont[ç] vermelltç e vertç
   
e de mantas colors cubertç,
   
     he rema·l brun'aura negra,
   
e l'ausel deseron lur becs,
 
5
per c'ieu ai talent che desplec
   
     tal un vers ce far no pogra
    mentre ce·l desturbier[s] me tenc.
     
II
 
Mais era m'esmend'e m'endertç
   
los maltraitç c'avia sufertç
 
10
     non gies cill ce far o degra,
   
mas autra ce·m trais fors los decs
   
can vic lo gran affan qui·m crec,
   
     don giamais mos cors no·s mogra
    si·l fins gioi[s] no fos ce·m revenc
     
III
15
de midons, qi m'es si aut dertç,
   
per c'ieu puosc e dei eser certç
   
     qu'ill a me no s'eschasegra;
   
mais, pos que·l platç, eu no ssoi pecs,
   
c'a ssom plasser ab lieis m'aplec;
 
20
     e l'autra, c'ades mi nogra,
    torne se·n ab aquo q[ue] venc.
     
IV
 
Ab son engan, qui 's vairtç e vertç,
   
e ab sos bels ditç fals cubertç
   
     se·n torn'[e] ab s'amor negra,
 
25
c'a doas lengas e dus becs,
   
mais lieis non cai qui 's que·n desplec
   
     lo ver del mal qu'ieu dir pogra,
    si·m volges, pel dan en que·m tenc.
     
V
 
No·s tainh qu·il bela m'o endertç,
 
30
e ssi tot eu ai lai sufertç
   
     los dantç que sufrir non degra,
    tuogll me·n, e met ab leis mos decs,
   
cui grazisc car mi det e·m crec,
   
     che gia per autra no mogra
 
35
mos cor[s] del mal [c’] a me revenc.
     
VI
 
Per so dic c'a bona fe·m dertç
   
ma do[m]pn[a], e ssoi ne ben certç,
   
     mais dic ce no m'escasegra
   
neus q'eu en pens, e ssoi ben pecs.
 
40
Per ce? Car dic c'am lieis m'aplec.
   
     Mi trai doncs? Oc. Noca·m nogra
    ver dir al fi gioi qui m[e] venc.
     
VII
 
Si fera, que·l gioi[s] es trop verç
    e gia·l dir[s] no·n fura sufertç
 
45
     per lieis, e non s'escasegra,
   
que d'uns n'i a ab trenchan[s] becs
   
tals c'anc giois ab lur vol non crec,
   
     ans, si poges, cacs mi nogra
    ab lieis de cui mi meteis tenc.
     
VIII
50
Don Deportç, lieis mon ver[s] [d]esplec
   
     denant n'Agout, de cui mogra
    si·l gioi[s] non fos ce sai mi venc.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI