Chiarini, Giorgio. Jaufre Rudel. L'amore di lontano. Roma: Carocci, 2003.

Code: 262,003 Auteur: Jaufre Rudel de Blaja Genre: Vers Numero: I

Non sap chantar qui so non di

I	1	Non sap chantar qui so non di
		ni vers trobar qui motz no fa,
		ni conois de rima co·s va
		si razo non enten en si.
	5	Mas lo mieus chans comens’ aissi:	[5]
		com plus l’auziretz, mais valra. a a
II		Nuils hom no·s meravill de mi
		s’ieu am so que ja no·m veira,
		que·l cor joi d’autr’amor non a
	10	mas de cela qu’ieu anc no vi,	[10]
		ni per nuill joi aitan no ri
		e no sai quals bes m’en venra. a a
III		Colps de joi me fer, que m’ausi,
		e ponha d’amor que·m sostra
	15	la carn, don lo cors magrira;	[15]
		et anc mais tan greu no·m feri
		ni per nuill colp tan no langui,
		quar no conve ni no s’esca. a a
IV		Anc tan suau no m’adurmi
	20	mos esperitz tost no fos la,	[20]
		ni tan d’ira non ac de sa
		mos cors ades no fos aqui;
		e quan mi reisit al mati
		totz mos bos sabers mi desva. a a
V	25	Ben sai c’anc de lei no·m jauzi	[25]
		ni ja de mi no·s jauzira,
		ni per son amic no·m tenra
		ni coven no·m fara de si.
		Anc no·m dis ver ni no·m menti,
	30	ni no sai si ja s’o fara. a a	[30]
VI		Bos es lo vers, qu’anc no·i falhi
		e tot so que·i es ben esta;
		e sei que de mi l’apenra
		gart se no·l franha ni·l pessi.
	35	Car si l’auzon en Caersi	[35]
		en Bertrans e·l coms en Tolza, a a.
VII		bos es lo vers, e faran hi
		calque re don hom chantara. a a