Squillacioti, Paolo. Le poesie di Folchetto di Marsiglia. Pisa: Pacini, 1999.

Nuova edizione riveduta e aggiornata per il "Corpus des Troubadours", 2009.

Code: 155,004 Auteur: Folquet de Marselha Genre: Canso (fragment de deux coblas) Numero: XXII

A vos, midontç, voill retrair' en cantan

I		A vos, midontç, voill retrair’ en cantan
		cosi·m destreign Amor[s] e men’ a fre
		vas l’arguogll gran, e no m’aguda re,
		qe·m mostras on plu merce vos deman;
	5	mas tan mi son li consir e l’afan
		qe viu qant muer per amar finamen.
		Donc mor e viu? non, mas mos cors cocios
		mor e reviu de cosir amoros
		a vos, dompna, c[e] am tan coralmen;
	10	sufretç ab gioi sa vid’ al mort cuisen,
		per qe mal vi la gran beutat de vos.
II		Parer non pot per dic ni per senblan
		lo bens ce vos voigll ab † len carna fe †
		mas nie[n]s es so ce vos dic: si·m te
	15	al cor us fioc[s] que no·s † remuda o dan. †
		Per cals raisons no m’ausi consuman?
		Savi dion e l’autor veramen
		qe longincs us, segon dreic et raiso[s],
		si convertis e natura, don vos
	20	deves saber car eu n’ai eissamen
		per longinc us en fioc d’amor plaisen
		[...]