Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Code: 184,001=025,001 Auteur: Lo Coms de Proensa , Arnaut Genre: Tenso (Partimen) Numero: II, 1

Amichs N'Arnautz, cent dompnes de peratge

I	1	— Amichs N’Arnautz, cent dompnes de peratge
		van oultremar e son en miege via,
		e non podon complir lo lur viatge
		ne dreyt tornar per nulla re que sia
	5	si per vos no : qu'es per aytal coven
		qu'un pet fassatz, de que·s moga tal vent
		que les dompnes vagen a salvamen.
		Fer l'etz, ho no? Qu'yeu saber o volria!
II		— Senyer En Coms, yeu ay un tal usatge
	10	qu'ades mantien depes en drudaria;
		sy tot lo pet no m'en ve d'egradatge
		eu lo faray, que, s'eu no lo fasia,
		falria trop vas dompnes malamen!
		E dich vos be que, si per autr'engen
	15	apres lo pet no son a salvamen,
		per pembre fort tot me conquagueria!
III		— Amichs N'Arnautz, trop parlats malemen
		pel blasme gran quez hauretz de la gen :
		que vol pessar tan gen cors avinent,
	20	a vent de cul, en terra de Soria?
IV		—   Senyer En Coms, molt es miels per un cen
		qu'yeu face·l pet, ans que tan cors plasen
		ffesson lor dan per fol ensenyamen:
		que·m pusch levar can cunquegat me sia!