Meyer, Paul. Les derniers troubadours de la Provence d'après le chansonnier donné à la Bibliothèque Impériale par M. Ch. Giraud. Paris: Librairie A. Franck, 1871.

Code: 461,177 Auteur: Anonyme Genre: Lamentation d'un lèpreux, Canso Numero: XX

Non puesc mudar non plainha ma rancura

xliv.
I	1	Non puesc mudar non plainha ma rancura, (f. 42)
		Seinher Austor, car est de mon estaje,
		Car m’es camjat mon joy e m’aventura,
		.  .  .  .  .  .  .  .  .  .  .  .  .  .  .  .
	5	Et ai perdut tot solas e deport,
		Et ai perdut luy que sueill amar fort,
		Et ai perdut la vostra compainhia.
		Mort, car non m’ausis, ben fas gran vilania.
II		Amixs N’Astor, fort m’es greu(s) e salvaje,
	10	Fort engoisos ez estrainh a sufrir
		Qu’ieu en Embiers aia pres ostalage ;
		Meravil mi car tot vieu nom soterre
		O car non soy tan lueinh d’aquest pays
		Ves calque part que ja mais res nom vis,
	15	Vo sufrir m’er, vueilha o non, qu’ieu sia,
		Los mals qu’ieu trai tro que la mort m’ausia.
III		Qu’ieu am donnas sueill aver compainhia
		Ez am clergues, am jent ben enseinhada ;
		Ar me soy mes, car non truop autra via,
	20	Ab una res qu’es del segle triada,
		Qu’ieu solia portar solas am luy
		Rauba d’estainh (fort) fos uvern ho estieu
		Aras mi ven portar solas de vaca,
		Ez estauc pres com fa ors a estaca.
IV	25	Qu’ieu solia chantar per alegrier
		E per mi dons qu’ieu tant amar solia,
		Mas aras chant e proe mon damnage ;
		Car ieu soy pres de tan gran malautia !
		A mi que cal, qu’ieu n’ai lo cor[s] perdut ?
	30	A Jezu Crist n’ai l’esperit rendut  ;
		Lo mals qu’ieu trai e la grieu penedensa
		Vuell tostens mais sufrir ez am temensa.