Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Bernart von Ventadorn, seine Lieder, mit Einleitung und Glossar. Halle a. S.: Verlag von Max Niemeyer, 1915.

Code: 070,013 Auteur: Bernart de Ventadorn Genre: Vers Numero: XIII

Be·m cuidei de chantar sofrir

I
1
     Be·m cuidei de chantar sofrir
   
     entro lai el doutz tems suau ;
   
     eras, pus negus no s’esjau
   
     e pretz e donar vei morir,
 
5
     no posc mudar, no prenha cura
   
     d’un vers novel a la frejura,
   
que conortz er als autres entre lor ;
   
e cove·m be, pois tan be·m vai d’amor,
    c’aya melhor solatz a tota gen.
     
II
10
     Domna, vas cal que part que·m vir,
   
     ab vos remanh et ab vos vau.
   
     e sapchatz que de vos me lau
   
     assatz mais que no sai grazir.
   
     be conosc que mos pretz melhura
 
15
     per la vostra bon’ aventura ;
   
e car vos plac que·m fezetz tan d’onor
   
lo jorn que·m detz en baizan vostr’ amor,
    del plus, si·us platz, prendetz esgardamen !
     
III
 
     Amors, aissi·m faitz trassalhir :
 
20
     del joi qu’eu ai, no vei ni au
   
     ni no sai que·m dic ni que·m fau.
   
     cen vetz trobi, can m’o cossir,
   
     qu’eu degr’ aver sen e mezura
   
      (si m’ai adoncs ; mas pauc me dura),
 
25
c’al reduire·m torna·l jois en error,
   
pero be sai c’uzatges es d’amor
    c’om c’ama be, non a gaire de sen.
     
IV
 
     Greu en sabrai mo melhs chauzir,
   
     si sas belas faissos mentau,
 
30
     que res mas lauzars no·m abau
   
     e sas grans beutatz essernir.
   
     res mais no m’en dezasegura !
   
     pois tant es douss’ e fin’ e pura,
   
gran paor ai qu’azesme sa valor ;
 
35
e lauzenger volon mo dan d’amor
    e diran l’en be leu adiramen.
     
V
 
     Doncs lor deuri’eu be servir,
   
     pois vei que re guerra no·m vau,
   
     que s’ab lauzengers estau mau,
 
40
     greu·m poiria d’amor jauzir.
   
     per leis es razos e mezura
   
     qu’eu serva tota creatura ;
   
neis l’enemic dei apelar senhor,
   
c’ab gen parlar conquer om melhs d’amor
 
45
tot lo pejor ad ops de be volen.
     
VI
 
     Amors, cil que·us volon delir,
   
     son enoyos e desliau.
   
     e si·us deschanton, me qu’eu cau ?
   
     no·s podon melhs envilanir.
 
50
     be conosc a lor parladura
   
     qu’ilh renhon mal, contra natura,
   
cist an perdut vergonha e paor,
   
partit de Deu, tot per sordeg d’amor !
    et eu sui fols, si mais ab lor conten.
     
VII
55
Ventadorn er greu mais ses chantador,
   
que·l plus cortes e que mais sap d’amor
    m’en essenhet aitan com eu n’apren.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI