Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Notes
* Traductions

Ricketts, Peter T. "Quant eu cavalcava l'autr'an" (PC 461,200): édition et traduction. "Revue des Langues Romanes", 110 (2006), pp. 451-456.

Code: 461,200 Auteur: Anonyme Genre: Pastorela Numero: -

Quant eu cavalcava l'autr'an

I
1
Quant eu cavalcava l’autr’an
   
ves lo chastel de Montejan,
   
anava jacobin cercan,
   
qe mester en avia gran.
 
5
E regardai jus en una valeta,
   
u tuta ren luis e resplan,
   
per la clartat, un’avinent roseta
   
qe s’en vai sola deportan.
   
Vau m’en a lei, josta lei, a l’umbreta,
 
10
e salutai la, enclinan.
     
II
 
Mon salut me rent tremolant.
   
“Segner, Deu vos meta en bon an
   
e vos don zo qe anaz qirant,
   
a ço qu’eu non i aia dan.
 
15
Deu confonda Roberzon et Audeta !
   
Ja mais m’amistat non auran,
   
q’encoi tot jor m’an lassata soleta,
   
ço que no m’aven mais ojan.
   
No·l farai mais ! No·s vi tanta nessieza !
 
20
Ben sai q’encoi lo conpraran.”
     
III
 
“Tosetta de bella faizon,
   
ben saveç dir vostra raison.
   
Laissaz estar aquest sermon,
   
qe trobat avez compaignon
 
25
per cui serez aunorada e servida
   
trestant e mais qe Roberzon,
   
ne trovareç a jor de vostra vida
   
si tost vo·n renda gederdon
   
cum eu farai, se vos m’estaç aisida
 
30
de zo qu’eu vos querrai perdon.”
     
IV
 
“Segner, no m’es bel ni m’es bon
   
qe ja mon cors vos abandon.
   
Ben me podez querir tal don,
   
q’eu vos diria ben de non.
 
35
Ja Deu non plaz qu’eu fassa tal fallida
   
(e s’eu la faz, non me·l perdon)
   
qe vos digaz qe m’auriaç chausida,
   
en ver : q’eu forçada non son.
   
Tant malament m’avez oi assallida,
 
40
a coitada del esperon.”
     
V
 
“O toseta, se·t ve plazent
   
humilitat e chausiment,
   
ancor n’a i mais de cinq cent,
   
entre frere, cosin, parent,
 
45
e per totç celç remaner no·n poiria.
   
No sui tant coat ni tant lent
   
qe·l pro Guillem Malaspina diria
   
q’eu fust coart et recredent,
   
q’el es signor de la cavalaria
 
50
e de les armas pro valent.”

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI