Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Estudi introductori
* Glossari
* Observacions

* Davantal
* Bibliografia
* Testimonis
* Aparat crític
* Notes
* Traduccions
* Imatges

 

Coulet, Jules. Le troubadour Guilhem Montanhagol. Toulouse: Imprimerie et Librairie Édouard Privat, 1898.

Codi: 225,007 Autor: Guilhem de Montanhagol Gènere: Canso Número: VII

 

Non an tan dig li primier trobador

I
1
Non an tan dig li primier trobador
   
Del fag d'amor,      lai el temps qu'era guays,
   
Qu'enquera nos no fassam apres lor
   
Chans de valor,      nous, plazens e verays;
 
5
Quar dir pot om so qu'estat dig no sia,
   
Qu'estiers non es trobaires bos ni fis
   
Tro fai sos chans nous, guays e gent assis,
    Ab noels digz de nova maestria.
     
II
 
Mas en chantan dizo.lh comensador
 
10
Tant en amor,      que·l nous ditz torn' a fays.
   
Pero nou es, quan dizo li doctor
   
So que alhor      chantan no dis om mays,
   
E nou, qui ditz so qu'auzit non avia,
   
E nou, qu'ieu dic razo qu'om mais no dis,
 
15
Qu'amors m'a dat saber, qu'aissi·m noyris
    Que s'om trobat non agues, trobaria.
     
III
 
Be·m platz qu'ieu chan, quan pes la gran onor
   
Que·m ven d'amor,      e·n fassa ricx essays,
   
Quar tals recep mos chans e ma lauzor
 
20
Que a la flor      de la beutat que nays.
   
Pero be·us dic qu'om mielhs creire deuria
   
Que sa beutatz de sus del cel partis,
   
Quar tan sembla obra de paradis
    Qu'a penas par terrenals sa conhdia.
     
IV
25
D'una re fan donas trop gran follor,
   
Quar lor amor      menan ab tan loncx plays,
   
Que quascuna, pus ve son amador
   
Fi ses error,      falh si l'alonga mays,
   
Quar om no viu tan quan faire solia;
 
30
Per qu'ieu volgra que·l mals costums n'issis
   
Del trop tarzar, qu'ieu no cre qu'om moris
    Tan leu com fai, si d'amor si jauzia.
     
V
 
Trop fai son dan dona que.s do ricor,
   
Quant om d'amor      la comet, ni·s n'irays,
 
35
Que plus bel li es que sofr 'un preyador
   
Que si d'alhors      era·lh peccatz savays,
   
Que tals n'i a, quays qu'om non o creiria
   
Ab que fos dig, que·l faitz es tan fraydis;
   
Pero 'amors falh tressalh e peris,
 
40
Quar tenon mal en car lor carestia.
     
VI
 
Ieu am e blan dona on ges non cor
   
Enjans d'amor,      per que no m'en biays,
   
Ni o dey far, qu'om la te per melhor
   
E per gensor,      per qu'amors m'i atrays;
 
45
Qu'amans es fols quant en bon loc non tria,
   
Quar qui ama vilmen si eis aunis,
   
Qu'a las melhors deu om esser aclis,
    Don nais merces, valors e cortezia.
     
VII
 
N'Esclarmonda, qui etz vos ni na Guia,
 
50
Quascus dels noms d'ambas o devezis:
   
Quar quecx d'amdos es tan cars e tan fis
    Qu'om que·l mentau pueys no pren pec lo dia.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI