Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction

* Présentation
* Bibliographie
* Témoignage
* Appareil critique
* Notes
* Traductions

Mouzat, Jean. Les poèmes de Gaucelm Faidit. Troubadour du XIIe Siècle. Paris: A. G. Nizet, 1965

Code: 167,033 Auteur: Gaucelm Faidit Genre: Canso Numero: 36

L’onratz, jauzens sers

I 1
L’onratz, jauzens sers,
   
on ab bela parvenssa,
   
venc mos Bos Espers
   
gen complir m’entendenssa,
  5
mi torn’ en plazers
   
ab doussa sovinenssa,
   
e-m fai chansos faire,
   
don mi cujav’ estraire ;
   
car ben es razos
  10
q’ieu chant, gais e joios,
   
pois cill cui sui amaire,
   
qu’es la genser c’anc fos,
    vol me e mas chansos.
     
II  
Qe-l sieus gentils, pros
  15
cos cortes, de bon aire,
   
francs e cars e bos,
   
humils e d’aut afaire,
   
e l’huoill amoros,
   
mi saubon gen atraire
  20
vas sa benvolensa,
   
don soplei vas Proenssa ;
   
m’an tan aut aders
   
qe rics sui et enders,
   
sol c’a nostra plazenssa
  25
sia complitz lezers,
    que no-i failla poders !
     
III  
Car adreitz sabers
   
e valens conoissenssa,
   
et homils parers
  30
e pretz ab gran valenssa,
   
honratz, gens teners,
   
son en lieis, on m’agenssa
    e-n sui gais chantaire
   
per sa valor retraire ;
  35
e grazisc los dos
   
e-ls plazers saboros,
   
e l’afan qe-il vi traire
   
al greu comjat doptos
    de sospirs angoissos.
     
IV 40
Per qe i taing perdos,
   
car tarziei pauc ni gaire,
   
que, vas lieis coitos,
   
non vinc en son repaire,
   
don de genoillos
  45
li sui leials prejaire
   
que Merces la venssa,
   
e-m perdon la faillenssa —
   
c’onors ni jazers,
   
ni prejars ni valers
  50
no-m tenon en bistenssa :
   
doncs no-il sia temers
    qe-is camje mos volers.
     
V  
Pero, si-l movers
   
qu’eu fau per penedenssa,
  55
lai on Dieus lo vers
    pres veraia naissenssa,
   
l’es al cor dolers,
   
no-il deu aver tenenssa —
   
c’a tot bon vejaire,
  60
es de tot pretz lo maire
   
qui sans, deleitos,
   
vai al Rei glorios
   
servir, qui l’es Salvaire ;
    q’el cel, e sai jos,
  65
n’er rics lo guizerdos !
     
VI  
Oimais es sazos
   
d’anar on Dieus lo paire,
   
qi pres mort per nos,
   
si’ a nos chapdelaire,
  70
ez als compaignos
   
qi son nostre cofraire
   
per obediensa,
   
aid er me lor crezensa
   
els cors els avers,
  75
car es sos servirs ders ;
   
teinha en sa prezensa
   
e-il sia douz vezers
    l’affanz dels mals poders !
     
VII  
Na Maria, vos
  80
etz tant bella, e pros,
   
que non es emperaire
   
el mon que non fos
    onratz pels vostres dos.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI