Cluzel, Irénée. Princes et troubadours de la maison royale de Barcelone-Aragon. "Boletín de la Real Academia de Buenas Letras de Barcelona", 27 (1957-1958), pp. 321-373.

Code: 92.1 Auteur: Reina de Mallorca Genre: Descort Numero: VII, 1

Ez yeu am tal qu'es bo e belh

		La Reyna de Mallorques
I	1	Ez yeu am tal qu'es bo e belh,
		e suy gaya co·l blanch oselh
		que, per amor, cria son chant,
		e suy senyora e capdelh,
	5	e ceylh qu'eu am[e] no·s n'apelh :
		car, sus totes, suy mils aman
		que xausit ay lo pus presan
		e·l mils del mon, e l'ame tan
		quez, en pensan lo cuey veser
	10	e car tener ;
		e cant no's ver,
		un desesper me fer tan gran
		cant lo say lay ves Ffrança !
		L'anyoramen e·l gran desir
	15	qu'yeu ay per vos me cuyd-alcir,
		mon dols senyor e car ;
		e bien liey poray tost morir
		per vos, qu'yeu am tant e desir,
		si breu deçay no·us vey tornar ;
	20	que tant me tarda l'abressar
		e·l raysonar
		e tota res ;
		e cant me pens que·us n'etz anats
		e no tornats,
	25	e quan lunyat vos etz,
		desesperatz caix viu mon cor ;
		per pauch no mor
		si breu no n'ay guirença !
		Tornada
II		Merce, mairitz, que sufren pas
	30	los mals que·m dats, e donchs tornats,
		que nulh tresor
		no val un cor
		que per vos mor,
		ab amorosa pença.