Javascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.comJavascript DHTML Drop Down Menu Powered by dhtml-menu-builder.com

* Introduction
* Vocabulaire
* Observations

* Présentation
* Bibliographie
* Témoignage
* Appareil critique
* Notes
* Traductions
* Images

Appel, Carl. Bernart von Ventadorn, seine Lieder, mit Einleitung und Glossar. Halle a. S.: Verlag von Max Niemeyer, 1915.

Code: 392,027 Auteur: Bernart de Ventadorn Genre: Canso Numero: -

Can lo dous temps comensa                                                             

I 1
Can lo dous temps comensa
   
e pareis la verdura
   
e·l mons s’esclair’ e gensa
   
e tot cant es, melhura,
  5
chascuna creatura
   
s’alegra per natura ;
   
eu sols fatz estenensa
    de far envezadura.
     
II  
En aspra penedensa
  10
sui, s’a lonjas me dura,
   
qu’en tal ai m’entendensa,
   
don nulhs bes no m’agura.
   
tot’ ai meza ma cura
   
en cor de peira dura ;
  15
e sai que fauc falhensa,
    car non am per mezura.
     
III  
En sa bela fachura
    ed en so clar vizatge
   
paus tota ma rancura
  20
com en ric senhoratge.
   
tant es de bel estatge,
   
rich’ e de gran linhatge,
   
qu’eu no cre, s’ilh o jura,
    refut mon omenatge.
     
IV 25
E si·m tenh a tortura
   
lo seu respos salvatge,
   
sei olh m’en fan drechura,
   
que·m son del cor messatge ;
   
qu’eu sai be per uzatge,
  30
qu’olh no celon coratge.
   
sol aisso·m n’asegura,
    qu’eu no·n ai autre gatge.
     
V  
Mout fai gran vilanatge
   
qui trop leu s’espaventa,
  35
qu’apres lo fer auratge
   
vei que·lh dous’ aura venta.
   
s’a ·xx· ans o a ·xxx·
   
agues sauva m’ententa,
   
ges no planh mo damnatge
  40 vas que ma joy’ es lenta.
     
VI  
Domna pros e valenta,
   
genser de la plus genta,
   
faitz vostre cors salvatge
    tan privat qu’eu lo senta ;
     
VII 45
Car s’eu mor, domna genta,
   
que ja nuza no·us senta,
   
mos cors n’aura damnatge
    e m’arma n’er dolenta.

 

 

Institut d'Estudis Catalans. Carrer del Carme 47. 08001 Barcelona.
Telèfon +34 932 701 620. Fax +34 932 701 180. informacio@iec.cat - Informació legal

UAI